काठमाडौं । संसदीय समितिका सभापतिको निर्वाचन यही भदौ ११ गते हुने निश्चित भएको छ । बिहिबार बसेको कार्यव्यवस्था परामर्श समितिको बैठकले संसदीय समितिका सभापतिको निर्वाचन भदौ ११ गते दिनको १ बजेका लागि तय गरेको सभामुखका प्रेस सल्लाहाकार शेखर अधिकारीले जानकारी दिएका छन् ।
बैठकमा सभामुख देवराज घिमिरे, उपसभामुख इन्दिरा राना, कानून, न्याय तथा संसदीय मामिला मन्त्री धनराज गुरुङ, नेपाली कांग्रेसका प्रमुख सचेतक रमेश लेखक, नेकपा माओवादी केन्द्रका प्रमुख सचेतक हितराज पाण्डे, नेकपा एमालेका सचेतक महेश बर्तौला, राष्ट्रिय स्वतन्त्र पार्टीका प्रमुख सचेतक सन्तोष परियार र प्रतिनिधि सभाका महासचिव भरतराज गौतमको उपस्थिति थियो ।
कमेन्ट गर्नुहोस्
