arthasanjal.com/wp-content/uploads/2022/06/balen-16-768×602.jpg 768w, काठमाडौं महानगरपालिकाका मेयर बालेन्द्र साह ‘बालेन’ले महानगरको कामकारबाहीलाई सहज बनाउने उद्देश्यका साथ वडा अध्यक्षहरुसँगको छलफल तथा परामर्शलाई तीव्रता दिइरहेका छन् । सोही क्रममा आज (शनिबार) मेयर साहले वडा नम्बर १६ का भाइरल वडाध्यक्ष मुकुन्द रिजाललाई भेटेका छन् । बालेनले रिजाललाई भेटेनन् मात्रै उनकै घरमै खाना पनि खाए ।
रिजाल निवास बालाजुमा पुगेका बालेनले फोहोर व्यवस्थापनका साथै महानगरका कामकारबाहीमा सुझाव मागेका थिए । साहले रिजालको कार्यशैलीबाट आफू प्रभावित भएको भन्दै निरन्तर सहयोगको अपक्षा गरेका थिए ।
कलाकार अर्जुन घिमिरे (पाडे)सँगै रिजाल निवास पुगेका शाहाले झन्डै दुई घन्टा बिताएका थिए । लञ्च सहितको सो मिटीङमा रीजालले फोहर व्यवस्थापनमा नगर प्रमुखको सक्रियताको प्रशंसा गर्दै त्यसमा सघाउन आफूले कुनै कसर बाँकी नराख्ने प्रतिबद्धता जनाए ।
स्तै पार्टीभन्दा भन्दा माथि उठेर मेयरका जनमूखी अभियानमा सहयोग गर्ने पनि बताएका थिए । ‘नगर प्रमुख ज्यूसँग छलफल भयो’, वडाध्यक्ष रिजालले भने, ‘महानगरपालिका केन्द्रित छलफल भयो ।’ यस्तै भेट्मा सहभागी पाँडेले भने जनप्रतिनिधिहरुसँग परामर्श गर्ने नीतिअनुसार आजको भेटघाट भएको बताएका छन् ।
महानगरपालिकाको पहिलो कार्यपालिका बैठकमा प्रक्रियाको बिषय मेयर बालेनसँग चर्काचर्की परेपछि रिजाललाई सामाजिक संजालमा भाइरल बनाइएको थियो । तर रिजालले भने आफू समग्र महानगरको विकासको पक्षमा रहेको र महानगरपालिको संचालन प्रक्रियामा टेकेर हुनुपर्छ मात्र भनेको बताउँदै आएका छन् ।
