४ असार, काठमाडौं । चिनिया राजधानी बेइजिङ पुगेका अमेरिकी विदेशमन्त्री एन्टोनी ब्लिंकेन र चिनिया समकक्षी क्वीन गाङ बीच भएको साढे सात घण्टा लामो वार्ता आपसी सम्बन्ध सुधारका लागि महत्वपूर्ण पहल हुने अपेक्षा अमेरिकी कूटनीतिज्ञहरूले गरेका छन् भने वार्ता निकै रचनात्मक ढंगले भएको चिनियाँ समाचार संस्था साउथ चाइना मर्निङ पोस्टले लेखेको छ ।
अमेरिकी संस्थाहरुका अनुसार अमेरिकी प्रमुख एजेण्डानै चीनसँगको तनावपूर्ण सम्बन्धको सुधार हो । संवादमार्फत नै सबै असझदारीको समाधानका लागि अमेरिकाले यसपटक पहल गर्ने छ । ब्लिंकेनले सुरक्षा मामिलामा तर्फ चीनले एशिया, अफ्रिका तथा मध्यपूर्वमा स्थापना गर्न खोजेको सैन्य क्याम्पबारे चासो राख्ने छ भने रूसलाई जारी राखेको हतियार सहयोगबारे कडा निन्दा गर्ने र चीनले नियन्त्रणमा लिएका अमेरिकीलाई रिहा गर्न अपिल गर्ने बताइएको छ ।
आइतबार आ–आफ्ना एजेण्डामा अडिग रहेको वार्ताले केही उल्लेखनीय परिणाम निकाल्न सकेको छैन भने सोमबार हुने वार्ताको परिणामले सी र ब्लिंकेनबीचको भेटको निधो गर्ने बताइएको छ । सी र ब्लिंकेनको भेट सन् २०११ यता भएको छैन ।
