arthasanjal.com/wp-content/uploads/2022/07/accident-1024×646.jpg 1024w, सोलुखुम्बुको नेचासल्यान गाउँपालिकाका अध्यक्ष धनजन राई सवार गाडी दुर्घटना भएको छ । उनीसहित तीनजना सवार बोलेरो आइतबार बिहान उदयपुरमा दुर्घटनामा परेको परेको हो । झापाबाट सोलुखुम्बु जाँदै गरेको प्रदेश ३–०१–०२३ च ८०५८ नम्बरको बोलेरो मदन भण्डारी राजमार्ग अन्तरगत त्रियुगा नगरपालिका–७ चिसापानीमा सडकबाट उछिट्टिएर धानखेतमा पल्टिएको हो ।
दुर्घटनामा परी गाउँपालिका अध्यक्ष ५४ वर्षीय राई सामान्य घाइते भएका छन् । गाडी धनी नेचासल्यान–१ का ३२ वर्षीय झमक विक आफैंले गाडी चलाएका थिए । उनको घाँटीमा सामान्य चोटपटक लागेको छ भने इटहरीबाट उक्त गाडी चढेका अर्का एकजनाको अवस्था पनि सामान्य रहेको जनाइएको छ ।
घाइतेहरुको जिल्ला अस्पताल उदयपुरमा उपचार भइरहेको जिल्ला ट्राफिक प्रहरी कार्यालय गाईघाटका प्रमुख बरिष्ठ प्रहरी नायव निरीक्षक लोकबहादुर दियालीले जानकारी दिए ।
कमेन्ट गर्नुहोस्
