arthasanjal.com/wp-content/uploads/2022/07/gathabandhan_coalition-2-1024×539.jpg 1024w, सत्ता गठबन्धनका शीर्ष नेताहरुको प्रधानमन्त्रीको सरकारी निवास बालुवाटारमा बसिरहेको छ । बैठकमा उपसभामुखको निर्वाचन, नागरिकता विधेयक, आगामी संसदीय निर्वाचनका विषयमा छलफल भइरहेको प्रधानमन्त्री देउवाको सचिवालयले जनाएको छ । यस्तै, संक्रमणकालीन न्यायसँग सम्बन्धित ऐन संशोधन र सत्य निरुपण तथा मेलमिलाप आयोग र बेपत्ता छानबिन आयोगको म्याद थप गर्ने विषयमा पनि छलफल भइरहेको बताइएको छ ।
बैठकमा प्रधानमन्त्री शेरबहादुर देउवा, नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’, एकीकृत समाजवादीका अध्यक्ष माधव कुमार नेपाल, कांग्रेस उपसभापति पूर्णबहादुर खड्का लगायत सहभागी छन् । माओवादी केन्द्रका अध्यक्ष प्रचण्डको भारत भ्रमणका विषयमा पनि छलफल भइरहेको जनाइएको छ। प्रचण्डले आफूले गर्न लागेको भारत भ्रमणबारे गठबन्धन बैठकमा जानकारी दिएका छन् । उनी आज (शुक्रबार) भारत भ्रमणमा निस्कँदै छन् ।
