arthasanjal.com/wp-content/uploads/2022/06/durga-prasai-uae-goldenstick-768×461.jpg 768w, युएइका राजकुमारबाट सुनको लौरो उपहार पाएका नेकपा एमालेका केन्द्रीय सदस्य एवं व्यवसायी दुर्गा प्रसाईलाई त्यहि सुनको लौरोले तनावको अवस्था सिर्जना गरेको छ ।
एकाएक सुनको लोरौ उपहारमा पाएपछि देशैभरी भाइरल भएका प्रसाइलाई सुनको लोरौकै कारण समस्या पर्ने अवस्था देखिएको छ । युएइका राजकुमारले सुनको लौरो ल्याएको कुनै पनि सरकारी रेकर्डमा नदेखिएको भन्दै अनुसन्धान सुरु भएको छ ।
कर नतिरी सुनको लौरो ल्याएको भन्दै समाचार प्रकाशित भएपछि भन्सार विभागले चासो र राखेर अनसन्धान सुरु गरेको छ । गैरकानुनी रुपमा ल्याएको पाइएमा कारबाही हुने बताइएको छ । यता सुनको लौरो नै नक्कली होकी भन्ने आशंका पनि गरिएको छ ।
त्रिभुवन अन्तर्राष्ट्रिय विमानस्थल भन्सार कार्यालयका प्रमुख महेशकुमार भट्टराईले राजकुमार जुमाले सुनको लौरो ल्याएकोबारे भन्सार कार्यालय अनभिज्ञ रहेको बताए ।
उनले भने, “उहाँ बिहान त्रिवि विमानस्थल हुँदै झापा पुग्नुभएको र सुनको लौरो उपहार दिनुभएको भन्ने सुनियो । तर, सुनको लौरो ल्याएकोबारे भन्सारलाई जानकारी गराउनुभएको छैन ।”
भीभीआईपीले विमानस्थल प्रयोग गर्दा विशिष्ट कक्ष प्रयोग गर्न पाउने सुविधा रहे पनि मापदण्डविपरीतका वस्तु ओसारपसार गर्न नपाउने उनले बताए ।
भीभीआईपी आफैं जिम्मेवार व्यक्ति हुने भएकाले चेक–जाँचमा सामान्य यात्रुसरह कडाइ नहुनेसमेत भट्टराईले जानकारी दिए । लौरो कुन माध्यमबाट झापा पुग्यो भन्नेबारे विमानस्थलस्थित भन्सार कार्यालय अनभिज्ञ छ ।
यस विषयमा भन्सार विभागले आन्तरिक रूपमा अनुसन्धान सुरु गरेको जनाएको छ ।
