स्थानीय निर्वाचन अन्तर्गत काठमाडौं महानगरपालिकामा मतगणना चलिरहेको छ । हालसम्म काठमाडौं महानगरपालिकामा एक लाख २८ हजार ४८५ मतगणना गरिएको छ ।
पछिल्लो गणनाअनुसार प्रमुख पदमा स्वतन्त्र उमेदवार बालेन्द्र साह (बालेन)को अग्रता थप फराकिलो बनेको छ । उनले ४३ हजार ८५० मत पाएका छन् ।
नेपाली कांग्रेसकी उमेदवार सिर्जना सिंह २५ हजार ९४४ मतसहित दोस्रो स्थानमा छिन् । नेकपा (एमाले)का उमेदवार केशव स्थापितले २५ हजार ५९ मत ल्याएका छन् ।
अहिले वडा नम्बर-१२, १३, १४, २१, २२ र २३ मा मतगणना भइरहेको छ । काठमाडौं महानगरमा कुल एक लाख ९० हजार ९८४ मत खसेको छ ।
कमेन्ट गर्नुहोस्
