डोटीमा बस दुर्घटना हुदा १२ जना घाइते भएका छन् । कैलालीबाट अछामका लागि छुटेको ना ५ च ९६६३ नम्बरको बस डोटीको शिखर नगरपालिका १ गेरुपानिमा दुर्घटना हुँदा १२ जना घाइते भएका हुन् ।
जिल्ला प्रहरी कार्यालय डोटीका प्रहरी नायव उपरिक्षक तथा प्रवक्ता भोलाकुमार भट्टका अनुसार शनिवार बिहान सवा ५ बजेतिर भएको बस दुर्घटनामा परि बस सहचालक गम्भिर घाइते भएका छन् भने ३ जना मध्यम र बाँकी ८ जना सामान्य घाइते भएका छन् । सोही बसमा सवार १८ महिनाको बच्चा हराइरहेको र उनको खोजी भइरहेको प्रवक्ता भट्टले बताए ।
घाइतेको दिपायलस्थित शैलेश्वरी अस्पतालमा उपचार भइरहेको छ । बसमा २० जना सवार थिए । घटनापछि बस चालक फरार छन् । बस सडकबाट ७०/८० मिटर तल सेति नदीमा खसेको छ ।
कमेन्ट गर्नुहोस्
